Davao City – Patay ang suspek samtang angol ang usa ka helper, ang tag-iya sa usa ka panimalay ug usa ka SWAT member atol sa nahitabong hostage taking incident sulod sa Woodridge Park Subdivision Ma-a karon lang buntag.
Biktima naila nga mao sila si Allen de Vera, 47 anyos, businessman ug usa ka Tata, househelper sa maong pamilya samtang ang suspek nailhan nga mao si Harland Ocampo Garvida, 40 anyos, single father nga taga NHA Ph 3 Sapphire St Bangkal, ning dakbayan.
Base sa report sa Talomo PNP, kalit misulod ang suspek sa panimalay ni de Vera ug gikuha ang usa ka butcher knife dayon giatake ang biktima hinungdan nga mikuha si de Vera sa iyang pusil ug nag nag-inilugay sa armas ang duruha hinungdan nga aksidenteng napusilan ang helper sa maong panimalay.
Una gi-hostage sa suspek ang pamilya nakatawag si de Vera sa kapulisan kinsa miresponde gilayon sa insidente.
Gisulayan og negotiate sa kapulisan si Garvida apan wala kini naminaw gani gidunggab niini ang usa ka SWAT member nga si PO3 Tan kinsa mirescue sa mga biktima hinungdan nga napusilan sa kapulisan ang suspek ug gideklarang dead on arrival sa SPMC.
Sa karon padayon nagpaalim ang mga nasamdan sa maong insidente.
RadyoMaN Aimee Guinita/RadyoMaN Don Pulayao/RadyoMaN Abi Bibera
