Davao City – Importante nga mapanday ang balaud ug maseguro ang katungod sa mga empleyado kinsa nipili nga buhaton ang ilang mga trabaho sa opisina diha na lamang sa ilang mga panimalay kun ang ‘Work-From-Home’ Bill.
Gipasabot ni Department of Labor and Employment (DOLE-XI) Assistant Regional Director Jason Balais nga nagapanghitabo na karon hinoon dili popular ang maong klase sa pagpangempleyo diin makunsidera kini nga ‘advantage’ sa pipila ka mga trabahante.
“Maka tabang na una sa trabahante itself kay dili na sila required mamlete pa, so that is savings na klaro ikaduha mas gamay ang tao sa kalsada so that will lift up a little bit of our traffic congestion,” segun niini.
Gitataw ni Balais nga malikayan ang problema sa socialization ingon man interaksyon tali sa employee ug sa employer gumikan mamahimong magpatawag kini sa opisina sa bisan unsang adlaw.
“Dapat ang control factor ana is ma-put in place pod maong kinahanglan maestudyohan ug mabutang ang mga parameters og klaro para ang control factor on the part of management dili pod ma-sacrifice kay importante pod na,” matud niini.
RadyoMaN Jason Amisola
