Report ni: Tita Jen Palomo Debaja
Nag daog sang Golden Cycle Rickshaw award for Best Fiction Film ang pelikula nga “BAGAHE” ni Director Zig Madamba Dulay sa ginpatigayon nga 2018 Vesoul International Film Festival Sa France sang Martes Pebrero 6,2018.
Sa pelikula, isa ka domestic helper nga naga hingalan kay Mercy ang gin akusahan nga naghaboy sang iya lapsag sa bathroom sang ginasakyan nga eroplano papuli sa Pilipinas .
Matapos makakuha sang award, ginpahayag ni Dulay nga naga kaangay gid nga ipashowing sa Pilipinas ang pelikula agud makit an man sang mga pinoy “It’s really important that people in the Philippines see it,”
Gin premier ang pelikula sang Agosto 2017 sang Cinemalaya, isa ka independent Film Fest sa Pilipinas. Nakakuha sang Best Actress Award si Angeli Bayani bilang Mercy sa pelikula. Dugang man nga nadaog ang pelikula sang Best Screenplay.
