Romania – Nasungkit ng mga organizer ng Afterhills Music & Arts Festival sa Iasi, Romania ang Guinness record para sa pinakamalaking dreamcatcher sa buong mundo.
May diameter ito na 9.92 meter, na sa sobrang laki ay kasyang-kaya sa loob ang isang double-decker na bus!
May bigat na 460 kilogram ang dambuhalang dreamcatcher.
Nasa 28 local artists at volunteers ang nagtulung-tulong sa pagbuo ng dreamcatcher na isa sa mga bidang art installations sa nasabing music & arts festival ngayong taon na may temang #Dreamers.
Orihinal na galing sa North America ang ideya sa paggawa ng dreamcatcher na kung tawagin ng Native American Ojibwe ay “Spider web charm” o “Asubakacin”.
Pinaniniwalaang pantaboy ng panganib ang dreamcatcher na kadalasang isinasabit sa kuna bilang proteksyon ng mga sanggol.
