Davao City – Gidayeg sa Department of Education (DepEd)-XI ang tanang magtutudlo atol sa selebrasyon sa World Teachers’ Day karong adlawa (October 5, 2021).
Gipaambit ni DepEd-XI Spokesperson Jenielito Atillo sa social media ang nahimong mensahe ni DepEd Secretary Leonor Briones diin kini misentro sa pagsaludo sa mga magtutudlo sa ilang pagsakripisyo nga mapadayon ang edukasyon taliwala sa ginaatubang karon nga krisis hatud sa pandemya.
“The teaching profession has always been an honorable vocation and this health crisis has further shown us how important and indispensable the teachers are. Your dedication, your passion, excellence and genuine concern for our learners has won the respect of the public, and this is something to be celebrated,” tipik sa mensahe ni Briones.
Gipaniguro usab sa DepEd nga madawat sa tanang public school teachers ang World Teachers’ Day Incentive Benefit (WTDIB) kantidad P1,000 gawas pa sa staggered salary increases tungod sa Salary Standardization Law ug uban pang benepisyo alang sa mga magtutudlo.
“Gurong Filipino: Katuwang sa Hamon, Kasama sa Pagbangon” mao ang tema sa World Teachers’ Day karong tuiga, 2021.
RadyoMaN Kirby Manzon
