WOW MALI|Pagronda sa Balay sa usa ka Retired Col.-wow mali

17

General Santos City–Giangkon ni Police Chief Inspector Patrich Elma, hepe sa Police Station 2 nga adunay nahitabong mis-communication human aksidenteng mahimong target sa search warrant operation ang panimalay sa usa ka retired colonel.

Sumala sa opisyal nga sayop ang impormasyon ang ilahang nakuha gikan sa lahang confidential agent ug ang nahatag mao ang direksyon sa panimalay ni Ret. Col. Dazo.

Apan iyahang gipaklaro nga wala nasulod ang maong panimalay gumikan dihang na-cordon ang area, ilahang nasayran nga dili kini maoy balay sa ilang target nga si SPO3 Jose Magbanua.

Dugang pamahayag ni PCI Elma nga basi sa pag-apply sa search warrant ang direksyon ug ang panimalay nga gitudlo mao gyud ang balay ni Col. Dazo.

Sa karon matud pa nangayo na ug pasaylo ang tropa sa kapulisan sa nasangpit nga opisyal human sa insidente.(Lore Romualdo)

Facebook Comments