Roxas City, Capiz- Mga seafoods kag marine products ang ginhanda para sa pormal nga pagbukas sang Capiztahan 2018 sa Capiz Gym, Villareal Stadium.
Kaupod sa mga ginserbe sa “Food Trip sa Capiz” amo ang mga dalagko nga lukon, pasayan, isda, alimango kag mga matambok nga talaba.
Una na nga ginsiling ni Capiz Governor Tony del Rosario nga igabandera man ang mga luto nga pagkaon nga halin mismo sa iban nga mga banwa sa Capiz.
Pinaage sini suno sa gobernador, mapakita sang Capiznon sa mga bisita ang pamatasan nga pag-akomodar kag pagtatap sa mga nagapadulong nga bisita sa capiz.
**(Sapian SB Member Marben Obligar Cordero)**
Facebook Comments
