WV officials nag-ayo sa national government nga pahanugutan ang swab testing sa mga returning Filipinos

12

Nag-apelar ang mga opisyales sang Region 6 sa national government nga pahanugutan ang swab test para sa mga returning Filipinos.Ini ang ginkumpirmar ni Bacolod Councilor Israel Salanga, head sang Action Team for Returning OFWs (ATRO), matapos ang pag-representar sini kay Mayor Bing Leonardia sa meeting sang mga gobernador sa Region 6 upod kay Iloilo City Mayor Jerry Treñas kahapon.

Suno kay Salanga, nagsulat ang mga opisyales sa national government nga kuntani pahanugutan ang pagpatigayon sang swab test sa mga returning OFWs agud makasigurado.Nahibaluan nga wala na karun naga-provide ang OWWA sang hotel accommodations sa mga returning Filipinos bangud naga-deretso na sila sa home quarantine santo man sa mando sang National IATF sang damlag pa.

Samtang, ginpahayag naman ni Dr. Zeaphard Caelian, head sang Incident Management Team sang Negros Occidental, nga ginhatag na karun sang probinsiya ang responsibilidad sa mga local government units sa pagsugat sa mga returning Filipinos nga naga-abot sa Bacolod Silay Airport. Ang mga returning Filipinos na man lang mismo ang naga-ayo sa ila mga LGUs nga magpa-quarantine.

[image: image.png]

Facebook Comments