WV wala sang bag-o nga patients under investigation angot sa COVID-19

23

SYUDAD sang Iloilo – Wala na sang patients under investigation ukon PUI ang Western Visayas angut sa COVID-12 as of March 2, 2020.

Suno kay Dr. Mary Jane Juanico, head sang Infectious Disease cluster sang Department of Health (DOH) 6 ang katapusan nga admitted PUI sa Western Visayas Medical Center (WVMC), nga isa ka Ilonggo traveler nga nag-stop over sa Hong Kong, nangin negatibo sa virus kag handa na nga i-discharge.


Paathag ni Juanico nagpakita sang flu-like symptoms ang traveler gani ginkabig sya nga PUI.

Sa data sang DOH sugod Enero 1-Marso 2 subong nga tuig nakarecord ang DOH sang 40 ka PUI nga lunsay nangin negative sa COVID-19 apang may isa sa ila nga nagpositibo sang iban nga respiratory pathogen.

Sa recod may 9 ang Aklan, 2 sa Antique, walo sa Capiz, wala sa Guimaras, syam sa Iloilo, lima sa Negros Occidental, apat sa Bacolod city kag tatlo sa syudad sang Iloilo.

Ginpahayag ni Juanico nga apisar nga wala na sang PUI ang rehiyon padayun sa gihapon nga nagabaton sang report ang DOH gikan sa mga LGU nga may ginahatag pa nga numero sang persons under monitoring ukon PUM.//JPFranco

Facebook Comments