Nalabawan na sang negros occidental ang iloilo sa medal standing nagapadayon nga 2019 Western Visayas Regional Athletic Association meet sa siyudad sang Roxas.
Sa medal tally as of 8:01 sini nga gab-i, ang Negros Occidental nakakuha sang 78 ka bulawan sa Elementary kag 83 ka bulawan sa Secondary level ukon kabug-usan nga 161 ka bulawan nga medalya.
Samtang ang Iloilo nakatipon sang 48 ka bulawan sa Elementary level kag 99 naman ka bulawan sa Secondary level ukon kabug-usan nga 147 ka bulawan nga medalya.
Tuman naman ka layo ang nagapangatlo nga probinsya sang aklan nga may 6 ka gold sa Elementary kag 17 ka gold sa Secondary level ukon 23 tanan ka bulawan nga medalya..
Ang nagapang-apat amo ang host province nga Capiz nga may 10 ka gold sa Elementary kag 12 ka gold sa Secondary ukon kabug-usan nga 22 ka gold medals; samtang nagapanglima ang Antique nga may kabug-usan nga 14 ka gold medals, kag Guimaras nga may napulo tanan ka gold medals.
