Davao City – Human makumpleto nga mabutngan ang Lasang, Sirawan ug Lacson Checkpoints og X-Ray Baggage Scanner ug Walkthrough Metal Detectors, sunod usab gimuntaran og susamang mga ekipo ang Davao City Overland Transport Terminal kun DCOTT.
Matud ni Task Force Davao Commander Col. Consolito Yecla nga pinaagi niining mga kahimanan matabangan ang mga awtoridad aron masigurong cleared ang terminal sa mga eksplosibo ug mga kontrabando.
Dali usab nila kining gipang-install aron magamit atol sa pagdagsa sa mga pasaherong musulod sa terminal karong abli sa klase.
Garbo usab sa Davao tungod kay matud pa kini ang pinakaunang Bus Terminal dinhi sa Mindanao nga adunay X-ray Baggage Scanner.
Gibutyag ni DCOTT Manager Aisa Usop nga dako kining ikatabang sa mas gipatumang hugot nga seguridad sa terminal.
RadyoMaN Aimee Guinita
