Ya cuji ya

Despues del tres del seconder ya puede siempre aresta el maga pulis del Labuan Police Station con Felixberto Esperat, 60-anios de edad quien ya tahya consu mismo subrina quien un miembro del PNP y conel deste amiga na Bacalso Drive, Labuan.
Con Esperat ya aresta el maga pulis na Sitio Lawingan, na mismo barrio, Sabado banda alas 7 del aga.
Acordando ya esconde si Esperat despues le ya tahya con Police Senior Master Sargent Marjorie Ebol Mauricio, 45 anios de edad, dalaga, designao na Labuan Police Station quien su subrina carnal y conel disuyu amiga si Sweet Grace santos, 43, anio de edad, del pecha 19 banda alas 9 del noche na Bacalso drive, mismo barrio.
Pero si Mauricio ya muri por el fatal taho na su braso y na fescueso mientras si Santos ta esta pa na hospital con un irida na braso tambien.
Asegun si Esperat y si Mauricio tiene ya agravio a-uno-y-otro del mas antes pa y del pecha 19 banda alas 9 del noche yan purpiahan estos hasta ya hala bolo si Esperat y ya hace halabas con Mauricio.
Ya precura pa afasigua si Santos pero hasta conele ya tupa un taho na braso.