Ya encontra ya con el cuerpo del un siembraor de agar-agar an mar del Sacol del Miercoles, cuatro dia despues este ya sale perdido amediante ta navega le para na Tictabon del Sabado tarde.
Na report del pulis ta aparese ya puede columbra con el cuerpo di Abdulgani Maya Wagas, 58, ta man lutao entrey medio del mar de Sacol y Taluksangay el cuantos maga fescador quien ya reporta na pulis.
Durante el imbestigacion, ta mira el pulis possible ya man lumus si Wagas ciendo ya puede recobri na su possession el disuyu dinero que ta carga le antede sale le perdido.
El pulis ya habla si tiene quien ya mata con Wagas depursi ay saca su dinero y otro maga valuable cosas.
Acordando si Wagas ya bende su maga agar-agar del Sabado donde ya alcansa su dinero na P45,000 como encuntrada del su lavida.
Pero antede bolbe le, ya pasa pa este na Masepla, Mampang y yan tomajan pa junto consu maga amigo.
Pero cuando ya bolbe este para na Tictabon, nuay mas este llega na su residencia.
Con el disuyu pumpboat ya encontra alamaniana.
Con el cuerpo di Wagas ya entrega consu familiars para el propio entiero seguiendo na tradicion del Islam.
