Ta investiga ahora el maga ofiales del barangay de Lumbangan despues tiene quien ya quema con el diila arco na entrada del barangay del Biernes serca man medio dia.
Asegun con el Capitan si Lito Bejerano tiene quien ya mira con el cuantos maga bata amo el quien ya sindi con el arco.
POrcausa hecho este de seco materiales, unratito lang yan uput el entero arco mientras el maga bata ya empesa tambien escapa.
El arco del barangay amo ya gana durante el arco competition del Hermosa Festival del Fiesta Pilar.
Ta mira si Bejerano que posible pulitica amo el motivo del incidente.
Asegun con Bejerano deve dale leccion con el maga hechor el momento ay puede sabe si quien-quien estos.
Facebook Comments
