Ya tira ba gayot?

Duda el maga pulis con el version del tres persona, dos moher y habal-habal driver que alegaomente tiene canila quien ya tira na Sitio Lugakit, Salaan del Sabado denoche.
Este despues ya Mira el maga pulis con entrada y tupada del bala como el trajectory, na irida del maga victima que asegun un tiro lang ya rebenta y yan lampasan el bala con el tres victima.
Base na investigacion del pulis, una ya tupa el bala na buli del habal-habal driver si Jasel Pantaleon, 19, y yan lampasan con canda Maybelyn Bello, 37, y con Sheila Pantaleon, 26, pero con el atras de todo ta sinta si Anamarie Perez, 20, nohay mas tupa el bala.
Ta aparese todo nabderech pies ta tupa con el dos moher el bala y pa abaho el cahida del bala donde na primer entrada del bala amo na buli del driver del habal-habal y hinde adelante.
Porcausa con este tan duda el maga pulis si incidente de tiro ba el ya sosede o accidente ya rebenta el pusil que ta carga el habal-habal driver.