Yan inquest

YA PUEDE YA MAN INQUEST NA FISCALIA CON EL SUSPECHAO BOMBER CONQUIEN YA CUJI EL COMBINAO FUERZA DEL PULIS Y MILITAR NA SITIO DULIAN, CALABASA DEL BIERNES AGA.
CON OMAR MABANZA, YA RECOMENDA EL MAGA PULIS NA FISCALIA EL CASO DEL ILLEGAL POSSESSION OF EXPLOSIVE AND BOMB COMPONENTS QUE BASE NA MAGA EVIDENCUA YA PUEDE ENCONTRA DURANTE EL OPERACION.
YA TENE QUE DETENE OTRAVEZ CON MABANZA NA ESTACION DEL PULIS PARA CONTINUA PRESENTA MAGA EVIDENCIA CON EL FISCAL AMEDIANTE QUE TA COMPLETA PA TAMBIEN MAGA DOCUMENTO COMO MAGA SUPPORTING PAPERS NA CASO.
ACORDANDO CON MABANZA YA ARESTA AMEDIANTE QUE EL MAGA OTORIDAD TA SIRVI EL UN WARRANT OF ARREST NA CASO DEL ILLEGAL POSSESSION OF EXPLOSIVE OF JOMAR MOHAMMAD PERO YA PUEDE ESTE ESCAPA.
CON MABANZA YA ALCANSA NA LUGAR DONDE SERCA CONELE NA POSSESSION YA PUEDE RECOBRI MAGA POLBOS DE EXPLOSIVA Y MAGA COMPONENT.
EL GRUPO DI MABANZA AMO TAMBIEN EL TIENE PLANO MAN RESCUE CON EL MAGA ABU SAYYAF BOMBER NA SAN RAMON PENAL COLONY DONDE INTENCION DESTOS CREA SENARIO PORMEDIO DE HACE REBENTA BOMBA NA CIUDAD MIENTRAS EL DIILA OTRO MAGA COMPAÑERO MAN RESCUE CON EL DIILA MAGA UBAN NA SAN RAMON PENAL COLONY.