Davao City – Wala na mangandoy pa og dakung selebrasyon alang sa pagsugat sa bag-ong tuig si Barangay 9-A Barangay Kapitan Tata Llubit, human sa nasinatiang pagbaha sa ilang barangay.
Sumala ni Llubit, okey na alang kaniya nga makahatag siya og tabang ngadto sa iyang mga tagi-barangay nga nabiktima sa pagbaha sa syudad sa nakalabay’ng semana tungod kay anaa pa gayud sila sa kalisdanan karong panahona
Giingon ni Llubit nga mamahimo gihapong malipayon ang pagsugat sa bag-ong tuig pinaagi na lamang sa mga ayudad nga ilang madawat nga maoy ihatag sa mga biktima. Tambag usab ni kapitan sa mga nabiktima sa baha sa iyang barangay nga dili na lang una magbongga sa mga pagkaon sa pagsugat sa tuig 2018.
Sa pikas bahin nagtoo ang kapitan sa barangay 9-A ning syudad nga maglisud sa pagsugod sa implementasyon sa ‘nationwide firecracker ban’ tungod kay daghan ang mi-alkontra niini sa rasyon nga maapektohan ang ilang panginabuhi luyo sa ka delikado nga ihatud niining mga pabuto, apan sa kadugayan kung magtinabangay lang ang tanan posibleng mapatuman kini ilawom sa liderato ni Pres. Rodrigo Duterte.
RadyoMaN Bernard Pantallon
