Sumala ni Commander Angela Tobias, Public Information Officer sa Coast Guard District Southeastern Mindanao (CGDSEM), alas-7:42 kagabie nasalbar ug naguyod na sa FPB 2402 BRP Panglao ang yate nga giidentipikang Pleasure Yacht Apkall.
Duha ka mga crew onboard, usa ka babae ug usa ka lalaki ang na-rescue usab ug luwas ang ilahang kondisyon matud sa PCG.
Nilusad og rescue mission ang Coast Guard dihang nakadawat og impormasyon nga nagpatabang ang nasangpit nga yate nga gikan pa og Indonesia nga mudunggo unta sa Davao para sa customs and immigration clearances apan nagka-trouble ang engine niini samtang galawig sa kadagatanan.
Gipangita sa PCG ug na-locate ang nadaot nga yate sa may Tibanban, Davao Oriental.
Gidala sa dakbayan sa Davao ang mga duha ka mga sakay sa nadaot nga yate para sa dugang intervention.
RadyoMaN Aimee Guinita
