*ILOILO City – Gintawag ni Mitch Antiqueña nga deputy mayor si Engr. Bobby Divinagracia sang City Engineers Office.*
*Suno kay Antiqueña ini ang iya nabatian sa mga tawo sa Iloilo City Hall.*
*Nakibot man si Antiqueña kon nga-a ara si Divinagracia sa conference room kaupod kay senior Executive assistant Jojo Castro sang ginapatawag sila nga mga executive assistants nga identified kay Congressman Jerry Treñas.*
*Sa amo nga pagsinapol, ginpahayag ni Castro sa ila nga, “ You cannot serve two masters at the same time.”*
*Sun okay Antiqueña, indi naman dapat pagpadugayon pa ang amo nga pagsinapol bangod nakadesisyon na siya nga magresign.*
*Subong nga adlaw, Marso 12 ang last day ni Antiqueña sa Iloilo City Hall matapos ang 12 ka tuig nga pagserbisyo.*
*Magluwas kay Antiqueña, lakip man sa mga ginpatawag sanday Executive Assistant for Barangay Affairs Boyet Rico, legislative staff Rudiver Junco, Executive Assistants Melchor Tan nga anay city administrator sa panahon ni Treñas sang alkalde pa ini sang siyudad kag anay Punong Barangay Irene Ong, Hector Alejano kag Roy Firmeza sang ICUPAO nga lunsay magaresign subong nga adlaw.*
*Photo ctto*
*Tags: Visayas, DYRI774, RMN Iloilo, Iloilo City*
