Yours Truly iFM
April 09, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Neneth kag gusto ko mangayo sang advice parte sa akon problema.
Dati ako nga OFW sa Kuwait kag nagpauli na ako diri sa Iloilo para tani maumpisahan na ang negosyo nga madugay na namon ginaplano sang akon bana.
Sang ara pa ako sa Kuwait, kada bulan gid ako nagapadala sa akon bana kag lakip na dira ang ginasupot namon nga capital para sa negosyo.
Kada pamangkot ko sa iya, may ginapakita man siya nga bank book sa akon. Kag wala gid ako nagduha-duha kay tungod bana ko siya kag ginasaligan ko gid siya sang akon kinitaan.
Apang, grabe gid ang akon kakibot sang nadiskubrehan ko nga wala na gali bilin ang akon sinuptan sa bangko sang pagpauli ko. Pinamangkot ko ang akon bana pero wala niya ako ginasabat sang ensakto. Imbes nga sabton niya ako, ginapasingtan niya ako.
Indi ako kabalo kung paano mag-umpisa mga bestfriends.
Indi ako kabalo sang akon himuon.
Kinahanglan ko gid ang inyo advice.
Yours Truly,
Neneth
