Yours Truly iFM
April 12, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Good afternoon mga bestfriends!
Ako gali si Ricardo mga bestfriends.
Indi sa pagpahambog, may ikasarang ang amon pamilya sa amon lugar. Lawyer ang akon tatay kag nurse naman ang akon nanay.
May tatlo ako ka mga manghod nga puro maayo ang pangabuhi. Ako lang ang wala nakaplastar sang maayo.
Nagsugod ang akon problema sang napatay ang amon mga ginikanan. May ginbilin nga mga kadutaan kag propedad ang amon mga ginikanan. Ugaling, ginadalukan ako sang akon mga manghod. Nakibot na lang ako nga ang titulo sang amon mga kadutaan nakapangalan sa ila nga tatlo. Ang mga propedad sila lang nga tatlo ang nagtungaay.
Sa subong nagalainay kami sang akon mga manghod. Gusto ko gid makuha ang akon parte kay gapati ako nga bilang anak may katungod man ako sa ginbilin sang amon mga ginikanan.
Ano ang himuon ko mga bestfriends?
Yours Truly,
Ricardo
