Yours Truly iFM August 02, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Good afternoon mga bestfriends!
Ako gali si Bea kag nagpadala ako sang sulat sa inyo kay may problema ako parte sa akon boyfriend.
Separated ang akon boyfriend mga bestfriends. Nangako siya sa akon nga ipa-annul niya ang ila kasal sang iya asawa para hilway na siya kag makapakasal na kami kung gusto na namon.
Pero tatlo na ka tuig ang nagligad daw wala niya man gihapon gina-file ang ila annulment. Ginakulit ko siya nga hulagon na kay indi ako kompormi nga mangin kerida lang. Ginhatagan ko na siya sang ultimatum nga bulagan ko siya kung indi pa gid siya maghulag.
Nakitluoy siya sa akon nga mahulat-hulat lang anay kay wala pa siya sang kuwarta.
Nakapoy na ako sige sang hulat sa iya.
Ano ang maayo ko nga himuon?
Kinahanglan ko gid ang inyo advice.
Yours Truly,
Bea
