Yours Truly iFM
August 24, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Good afternoon sa inyo mga bestfriends!
Ako si Cute kag isa ako ka single mother.
Halin sang pagbun-ag sang akon anak hasta subong nga 8 years old na siya, wala ko gid ginpakilala sa iya ang iya amay.
Pirmi na ako ginapamangkot sang akon anak kung diin kag kung sin-o ang iya amay.
Gapanugid siya sa akon nga pirmi kuno siya gina-bully sa school kag ginahambalan sang iya mga classmates nga putok sa buho.
Gusto ko man tani nga isugid ko sa iya kung sin-o ang iya amay, ugaling nahadlok ako nga basi indi siya pagkilalahon sang iya amay. Wala na gid ako communication sa iya amay.
Ano ang maayo ko nga himuon?
Yours Truly,
Cute
