Your’s Truly iFM August 27, 2020 Thursday

16

*Yours Truly iFM*
*August 27, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,

Good afternoon mga idol!

Nagsulat ako sa inyo tungod na-encourage ako sang naabatian ko ang sulat ni Joy.

Daw magkapareha gid ang amon kasaysayan mga idol.

Bag-o ko suguran sa pagsaysay ang akon problema, gusto ko anay magpakilala sa inyo.

Tawga niyo lang ako kay Raffy mga idol, 30 years old, soltero kag pumuloyo sang Mandurriao, Iloilo City.




Ang problema ko parte sa akon girlfriend. LDR ang nangin relasyon namon kay naglakat siya sa abroad two years ago.

Nagpasugot ako nga malakat siya kay naintindihan ko ang iya rason nga mabulig sa iya pamilya kag para makatipon man para sa amon nga duha.

Nangin consistent man ang amon communication mga idol sa sulod sang isa ka tuig nga ato siya sa abroad. Pero after one year, natingala na lang ako kay daw halos talagsa sa malaka na lang siya naga-message sa akon. Kung mag-istoryahanay kami indi man madugay kag daw pirmi siya nagadali. Ang rason niya pirmi nga busy kuno siya.

Gin-intindi ko ang tanan idol bisan wala na siya halos ga-reply sa akon mga messages. Nag-abot na sa punto nga gin-block niya ako kag gin-deactivate niya ang iya Facebook account.

Galibog ang ulo ko kag galain ang buot ko kay daw wala man ako sang nadumduman nga may nahimo ako nga sala sa iya.

Bothered gid ako mga idol.

Ano ang maayo ko nga himuon?

Yours Truly,

Raffy

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*

Facebook Comments