Yours Truly iFM August 30, Friday

Yours Truly iFM August 30, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)

Dear iFM,

Maayong hapon mga bestfriends!


Ako gali si Jim kag isa ako salesman sang ilimnon diri sa Iloilo City.

Ang problema ko parte sa akon landlord nga balo. Naobserbahan ko nga kung manglaba gani ang akon asawa, ginapungkuan niya gid kag istoryahon. Pirmi pa gid siya nagasulod sa amon unit kag nagahatag sang pagkaon sa amon isa ka tuig nga bata.

Ang ginabalak-an ko lang kay pirmi ako nagalakat sa out-of-town kag kung kaisa wala ako nagapauli sa balay.

Indi ako komportable kag gusto ko tani nga mangita kami sang iban nga ilistaran sang akon asawa. Ugaling indi siya magsugot kay matawhay kag manami naman kuno ang amon ginaistaran.

Natahap man ako nga komprontahon ko ang akon kay basi maakig siya sa akon.

Ano ang maayo ko nga himuon?

Yours Truly,

Jim

Facebook Comments