Yours Truly iFM
August 30, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo kag sa tanan nga mga tagpalamati sang inyo istasyon.
Ako gali si Carmen kag pirmi gid ako nagapamati sa inyo programa kada hapon.
May problema ako mga bestfriends kag gusto ko gid pangayuan sang advice halin sa inyo.
Isa na ako lola mga bestfriends kag ako ang nagabantay sang akon apo halin pa sang gamay. Nagbulagay abi ang akon anak kag ang iya asawa. Gani ako na lang ang nagsapupo kag nagpadaku sang akon apo.
May bana na ang akon umagad kag ang problema ko subong kay gusto niya kuhaon ang bata sa akon poder. Wala gid ako salig sa iya kag sa iya bag-o nga bana.
Gakabalaka gid ako sang madangatan sang akon apo.
Ano ang maayo ko nga himuon?
Yours Truly,
Carmen
