Yours Truly iFM
December 03, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Good afternoon mga bestfriends!
Ako gali si Andrea kag may problema ako nga kinahanglan ko gid sang advice halin sa inyo.
Nagmuklat ako sa pigado nga pangabuhi kag hasta subong pigado man gihapon ang akon sitwasyon.
Handum ko gid nga makatibawas sa kapobrehon mga bestfriends kag kalaw-ay man angkunon pero handum ko nga makapamana sang manggaranon.
May nobyo ako subong kag isa siya ka biyudo kag may tatlo ka mga kabataan. Sang una kuwarta lang ang ginalagas ko sa iya. Pero sa kadugayon na namon, nahulog man ang buot ko sa iya kay mabuot siya nga tawo.
Ang problema kay ginagamo sang iya mga anak ang amon relasyon kay indi sila gusto sa akon.
Ano ang maayo ko nga himuon?
Yours Truly,
Andrea
