*Yours Truly iFM*
*December 10, 2020*
*With iDol DJ Kat And iDol Bruno Banana*
*(Photo from web / No Copyright Infringement)*
Dear iFM,
Maayong hapon mga idol! Mga idol, ano ang maayo nga himuon sa bana nga pirti kapintas?
Indi na gid ako kaaguwanta mga idol kag ang ginakahadlukan ko lang kay basi mag-abot ang panahon nga mapatay ko siya.
Ako gali si Nimfa sang Lapuz, 35 years old, may bana kag lima ka mga kabataan. Ang akon bana isa ka panday.
Kapila ka na siya ginpahog nga ipa-preso kung liwaton niya pa ang pagsakit sa akon kag sang amon mga kabataan pero daw sa wala lang sa iya mga idol.
Nakainom o wala, gapanakit siya ilabi na kung may ginaakigan siya. Gusto ko na gid siya bulagan pero nagakabalaka ako kung ano ang madangatan sang amon mga kabataan kag kung ano ang ihambal sang akon mga utod kag mga ginikanan.
Indi gid abi sila boto sa akon bana pero ginsupak ko sila kay tungod palangga ko siya kag ang promise niya sa akon nga himuon niya ang tanan para mapamatud-an nga nagsala ang mga utod kag mga ginikanan ko sa paghusga sa iya.
Sa nagakatabo sa amon pangabuhi subong, wala gid sang natuman sa iya promises.
Nabudlayan na gid ako sang sitwasyon mga idol.
Ano ang maayo ko nga himuon mga idol?
Yours Truly,
Nimfa
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM Iloilo*
