Yours Truly iFM
With RadyoMaN DJ Kat And RadyoMaN Bruno Banana
(Photo from Web)
Dear iFM,
“All for one, one for all”, amo na ang motto namon nga magbarkadahanay mga bestfriends.
Tawga niyo lang ako kay Becky kag sa lima kami ka magbarkada, tatlo kami nga mga babaye kag tawgon ta lang nga si Fe kag si Lorna kag duha ka lalaki nga tawgon ta man kay Ronald kag Larry.
Daw mag-ulutod lang kami mga bestfriends pero si Fe kag si Larry magnobyahanay.
Ang problema kay may nagatublag sa akon sang nag-outing kami nga lima. Siyempre, may inom-inom pero wala man gid kami natam-an. Natapos ang amon imnanay mga alas-dose na sa tungang gab-i.
Upod kami tulog sa isa ka kuwarto. Banda ala-tres sang aga, nakabatyag ako sang call of nature, gani nag-guwa ako kag nag-CR. Nakita ko si Fe kag si Ronald nga nagahimo sang milagro. Na-shock gid ako sang akon nakita. Nagdali-dali ako pangihi, nagbalik sa kuwarto kag naghigda, pero indi na ako katulog.
Pagka-aga daw wala lang sang natabo kay balik sweetness naman si Fe kay Larry. Daw gusto ko gid sila komprontahon kay naluoy gid ako kay Larry.
OA lang bala ang reaction ko? After all, it’s their lives not mine.
Daw naglas-ay ako sa amon grupo. Nadula gid ang respeto ko kay Fe kag kay Ronald.
Ano ang himuon ko?
Madamo gid nga salamat.
Yours Truly,
Becky
