Yours Truly iFM
December 20, 2017
With RadyoMaN DJ Kat And RadyoMaN Bruno Banana
(Photo from Web)
Dear iFM,
Maayong hapon sa inyo tanan ilabi na gid sa inyo nga duha ni DJ Kat kag Bruno Banana.
Ako gali si Em-em kag pangayuan ko lang advice ang problema ko sa tatay kag nanay ko.
Naglakat si nanay sa Hong Kong para sa ikaayo sang pangabuhi namon kay college na kami nga duha sang utod ko. Nagsugod ang problema ko last year sang wala nag-uli si nanay sang Christmas.
Halin sang-una, indi gid magsugot si tatay nga malakat si nanay kay maayo man ang pangabuhi namon bisan indi kami mangaranon. Mabuhi man kam ni tatay bilang isa ka driver.
May nanugid sa amon nga may iban nga lalaki kuno si nanay sa Hongkong. Ang naluoyan ko si tatay kay depressed gid siya sang nabal-an niya. Gatawag man si nanay sa amon sang utod ko pero ginabalewala niya lang si tatay.
Naluoy gid ako kay tatay. Pirmi na lang gid siya hubog kag indi na siya ang nakilala nga tatay ko nga kasadya istoryahon.
Daw gusto ko prangkahon si nanay.
Ano ang ubrahon ko?
Yours Truly,
Em-em
