Yours Truly iFM
December 27, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Menchie, isa ka balo kag may tatlo ka mga kabataan.
May sari-sari store ako kag amo ini ang akon ginakuhaan sang galastuson sa adlaw-adlaw namon nga mga kinahanglanon sang akon mga kabataan.
Akuon ko mga bestfriends, mabudlay magpadaku sang mga kabataan nga nagaisahanon lang.
Subong may nagapangaluyag sa akon nga isa ka soltero. Mabuot siya kag responsable nga klase sang tawo. Baton niya ang akon sitwasyon kag ang akon mga kabataan.
Ang problema ko kay nagapamalabag gid akon pamilya. Ginhambalan nila ako nga mag-focus na lang sa akon mga kabataan kag indi na magsulod sa isa ka relasyon nga wala sang kasiguruhan. Ginapahog pa nila ako nga palayason sa balay kung batunon ko ang gapangaluyag sa akon.
Nagalibog ang ulo ko kung ano ang himuon ko mga bestfriends.
Ano ang maayo ko nga himuon?
Yours Truly,
Menchie
