Yours Truly iFM
February 13, 2018
With RadyoMaN DJ Kat And RadyoMaN Bruno Banana
(Photo from Web)
Dear iFM,
Maayong hapon sa tanan nga tagpalamati sang inyo programa.
Kada adlaw gid ako nagapamati sa inyo programa.
Ako gali si Jean sang Negros Occidental kag may problema ako parti sa akon lovelife.
Isa ako ka single mother mga bestfriends. Three (03) years old na ang akon anak. Ang tatay sang akon anak nadestino sa Mindoro. Nakibot na lang ako kay nabalitaan ko nga nagpakasal siya didto sa isa ka babae. Gintawgan ko siya kag gin-ako niya man sa akon pero shot gun wedding kuno ang natabo.
Nag-promisa man siya sa akon nga suportahan niya ang amon anak kay nakabalo man kuno ang iya asawa sang iya past. Apang nabudlayan siya kay ginadili-an siya sang iya asawa nga mag-communicate sa amon.
Pirti gid kasakit sang akon nabatyagan mga bestfriends.
Ano ang himuon ko?
Yours Truly,
Jean
