Yours Truly iFM February 16, 2021

Yours Truly iFM February 16, 2021 With iDol Julee Strawberry And iDol Bruno Banana (Photo from web/No Copyright Infringement)
Maayong hapon sa tanan, iDol Julee kag iDol Bruno! Tawga nyo lang ako kay Palaban Girl. Mangayo lang ko advice parte sa batasan sang akon partner nga pagatawga lang kay Mr. E.
Indi pa kami kasal pero may mga kabataan kami. Ang batasan nya bala nga pagka insecure sa tanan nga bagay mga Idol. Mainom sya wala sa lugar, upod ang iya mga grupo. Kag pagpauli nya sa balay damo na sya isyu parte sa akon.
Sa tuod lang ang iya sweldo husto nya lang iinom. Ako ya naga panggarab, nagabaton labada kag obra sa sulod balay.
Tapos indi ko maagwantahan ang pagkaimon kag ang pamuyayaw nya sa akon kag ang sige sulit sulit sang indi mga maayo nga sugilanon. Ang mas malala pa gid ginakastigo nya ako, ginapamuka kag ginapanguba nya amon mga gamit.
Ginahibi ko na lang ang kalain sang buot sa halos pila na katuig nga antos ko sa puder nya mga iDol kay indi sya gusto mapuli ako sa pamilya ko sa lugar namon.
Palangga ko gid ang mga kabataan ko, ako na lang naga adjust sa malain nga batasan sang partner ko then gina tinguha ko gid nga mangin positive sa kabuhi.
Gusto ko mabal-an mga iDol ang inyo opinion kay indi gusto mangin makasarili. Ano ang dapat ko nga himuon ipaglaban ko pa bala or give-up na?
Madamo nga salamat sa tana nga tagpalamati sang iFM kag sa inyo mga iDol! God bless you all!
Yours Truly,
Palaban Girl