Yours Truly iFM
February 27, 2018
With RadyoMaN DJ Kat And RadyoMaN Bruno Banana
(Photo from Web)
Dear iFM,
Good afternoon Bestfriends Kath kag Bruno Banana.
Ako gali si Mona, 21 years old kag nagaubra bilang isa ka kabulig.
High School lang ang natapos ko kay wala sang ikasarang nga magpa-eskuwela sa kolehiyo ang akon mga ginikanan. May anom pa ako ka mga manghod. Gamay ang uma nga ginaubra ni tatay nga amo man lang ang ginasaligan sang amon mga kinahanglanon sa amon panimalay.
Ang problema ko mga bestfriends amo ang akon ama kay ginapangimonan niya ako. Mabuot ang iya bana kag pirmi niya ako ginaistorya. Kung makita niya gani nga gaistoryahanay kami sang iya bana, ginatulok niya ako sang masakit. Dayun wala untat ang sugo niya sa akon bisan indi ko na ulubrahon.
Ginsugid ko ang akon sitwasyon sa akon mga ginikanan pero ginlaygayan nila ako nga aguwantahon ko lang anay kay kabudlay mangita ubra.
Nakapoy na gid ako mga bestfriends. Gusto ko na gid maghalin.
Ang ano ang himuon ko?
Yours Truly,
Mona
