Yours Truly iFM
January 23, 2018
With RadyoMaN DJ Kat And RadyoMaN Bruno Banana
(Photo from Web)
Dear iFM,
Maayong hapon mga bestfriends.
Ako gali si Nancy. Pirmi gid ako gapamati sa inyo through live streaming. Ari ako sa Dubai gaubra subong. Two (02) years ang akon kontrata bilang isa ka domestic helper.
Isa ako ka single mother kag ginbilin ko ang akon anak sa akon iloy. Lalaki ang akon anak mga bestfriends. Biyuda naman ang akon iloy kay napatay na ang amon amay six (06) years ago.
Ang problema ko kay naospital si nanay kag gusto niya nga magpauli ako sa amon kay nabudlayan na gid siya sang iya sitwasyon.
Indi ako pagpapuli-on sang akon employer kay wala ko pa natapos ang akon kontrata. Gusto ko gid tani magpauli. Ako ang man magasto sang akon plete bisan wala na ako kuhaon nga sweldo.
Ano ang himuon ko mga bestfriends?
Yours Truly,
Nancy
