Yours Truly iFM
January 24, 2019
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Ako gali si Julio mga bestfriends, taga-Negros kag may daku ako nga problema nga ginaatubang subong.
Akuon ko, indi ako nangin maayo nga bana sa akon asawa kag maayo nga amay sa akon mga kabataan. Nangerida ako kag binayaan ko sila sa sulod sang kinse ka tuig.
Patay na ang akon asawa tungod sa balatian nga cancer kag puro naman may pamilya ang akon mga kabataan.
Gusto ko tani mamasyar sa ila kag mangayo patawad. Gusto ko nga mag-ayuhay kami buot sang akon mga kabataan bag-o man lang ako madula sa kalibutan. Pero nahadlok ako nga basi indi nila ako mapatawad.
Tama bala ang akon plano?
Kinahanglan ko gid ang inyo advice.
Yours Truly,
Julio
