Dear iFM,
Maayong hapon iDol Bruno and iDol Julee.
Tawg nyo ako kay Donna, 34years old, Single mom from Iloilo City.
Gusto ko i-share sa inyo ang akon experience sa kabuhi kay daw wala pa gid ako sang nabatian sa inyo program nga kaangay sang akon naagyan.
26years old una nga nangin Nanay sa una ko ga nangin partner. Nagkaanak kami sang isa ka babaye kag nadula lang sya na parang bula.
After 2years nagkarelasyon liwat ako sa isa ka foreigner. Nagdugay ang amon relasyon sang 3 ka tuig kag nagkaanak kami sang lalaki. Nagbalik sa ila country ang foreigner kag wala na nagpabatyag sa akon. Ok lang at least may anak ako nga blue eyes.
Ambot ang yawyaw sang akon iloy indi hamak pero ginbuligan ako sang akon OFW sister agud makabangon kag maka-negosyo. Salamat kay nagpatok ang akon on line selling sang mga pre-loved clothes.
Sa ika-tatlo nga tion na-in love liwat ako mga iDol sa tawo nga ginbaton ako sang buo pati ang akon mga anak. Pero this time wala kami nag-live-in kay wala sang upod ang iya parents sa ila balay, sya lang ang naga-atipan tungod ara sa Canada ang tanan nya nga utod.
Kalasalon na tani kami pero ano nga swerte ang akon. Daw indi ako makapati nga amo sini ang matabo. Nadisgrasya sa motor ang akon nobyo kag wala gid maka-survive.
Hasta subong mga iDol wala pa ako maka-move on. Nakapamangkot man ako kun ngaa amo ini ang akon kapalaran. Daw indi gid pag-itugot nga makapamana ako. Is there something wrong with me or amo ini ang guhit sang akon palad?
Yours Truly,
Donna
