Yours Truly iFM
January 30, 2020
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Good afternoon mga bestfriends!
Ako gali si Ricky, soltero kag isa ka government employee.
Nagsulat ako sa inyo kay may gatublag sa akon paminsaron masulod na sa isa ka bulan.
Akuon ko mga bestfriends, naluyag ako sa isa ka babae nga wala ko pa na-meet sa personal. Nag-umpisa ang amon relasyon paagi sa chat kag nangin kami sang manuglakat na siya sa Taiwan.
Wala siya nakipagkita sa akon kay ang rason niya basi indi siya madayun kay manghawid ang iya isip kag balatyagon. Gusto niya kuno anay mag-focus sa iya trabaho didto sa abroad. Gapasalig man siya sa akon nga makitaay gid kami kung makapauli na siya.
Pero galibog ang ulo ko sa iya mga bestfriends kay indi siya gusto nga mag-video call bisan malab-ot na sa isa ka tuig ang amon relasyon. Kag kadamo lang sang rason ang ginahatag niya sa akon.
Sa dalayun ko lang nga ukay sang Facebook, nadiskubrehan ko nga ang pictures sang babaye nga ginapadala niya sa akon may bana na gali.
Akuon ko mga bestfriends, nasakitan ako sang akon nadiskubrehan.
Ano ang maayo ko nga himuon?
Kinahanglan ko gid ang inyo advice.
Yours Truly,
Ricky
