Yours Truly iFM July 10, Wednesday

12

Yours Truly iFM July 10, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)

Dear iFM,


Good afternoon mga bestfriends!

Ako gali si Brenda, isa ka single mom kag may tatlo ka mga kabataan.

25 years old na ako subong mga bestfriends pero nag-umpisa kami live-in sang akon boyfriend sang 18 years old pa lang ako. Ang masakit lang kay ginbayaan niya ako kag nag-upod siya sa iban nga babaye.

Nabudlayan gid ako sang akon sitwasyon mga bestfriends kay bisan ano na lang ang ginaubra ko para makakita sang kuwarta para mabuhi ko ang akon mga kabataan.

Gusto ko tani mangayo sang advice halin sa inyo kay may nagapangaluyag sa akon subong nga isa ka balo. 50 years old na siya mga bestfriends kag naghambal siya sa akon nga kung sugton ko siya, willing siya nga pangasaw-on ako kag buligan nga saguron kag mapa-eskuwela ang akon mga kabataan.

Nagalibog ang ulo ko kung batunon ko bala ang iya offer o indi.

Ano ang maayo ko nga himuon?

Yours Truly,

Brenda

Facebook Comments

From Advertisers