Yours Truly iFM July 11, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Ako gali si Efren kag isa ako ka tricycle driver.
Ang akon asawa isa ka OFW sa Dubai.
Ang problema ko mga bestfriends kay nag-prangka sa akon ang akon asawa nga mabulag na siya sa akon kay may karelasyon na siya nga isa man ka pinoy didto sa Dubai.
Pirti gid kasakit sang akon nabatyagan. Daw mabuang ako mga bestfriends. Indi ako kabalo kung ano ang akon himuon kag indi ako kabalo kung paano ko buhi-on ang amon lima ka mga kabataan.
Nangako man siya nga mapadala man siya pirmi sang suporta nga pinansyal sa amon mga kabataan.
Gusto ko tani nga maistorya ang akon asawa pero galikaw siya sa akon.
Ano ang maayo ko nga himuon?
Kinahanglan ko gid ang inyo advice.
Yours Truly,
Efren
