Yours Truly iFM July 19, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Maayong hapon mga bestfriends!
Kinahanglan ko gid ang inyo advice kay may problema gid ako subong.
Ako gali si Aldrin, 45 years old, taga-iloilo, may asawa kag mga kabataan nga apat ka bilog.
Ang problema ko mga bestfriends parte sa akon lola. Ulianon na abi si lola tungod dala sang iya katigulangon. Nagalayas-layas siya sa balay tungod indi sila mag-intindihanay sang akon asawa.
Pirmi lang ako nagasala-sala pangita sa iya kung madula siya sa balay.
Indi ko man puwede mapabay-an si lola kay siya gid ang nag-askikaso kag nagpadaku sa akon sang si mama ara sa Hong Kong naga-trabaho bilang isa ka domestic helper.
Nabudlayan na gid ako mga bestfriends. Kung kaisa nagainaway na kami sang akon asawa tungod kay lola.
Ano ang maayo ko nga himuon?
Yours Truly,
Aldrin
