*Yours Truly iFM*
*July 31, 2020*
*With iDol DJ Kat And iDol Bruno Banana*
*(Photo from web / No Copyright Infringement)*
Dear iFM,
Maayong hapon sa inyo tanan mga idol!
Nagsulat ako sa inyo kay may problema ako nga gusto ko gid pangayuan sang advice halin sa inyo. Ako gali si Mark, may asawa kag mga kabataan kag nagapuyo diri sa siyudad sang Iloilo.
Ang problema ko parte sa akon manghod. Ginpabusong siya sang iya nobyo kag nalagyo.
Patay na tanan ang amon mga ginikanan gani sa amon siya nagaistar. Ang daku ko pa gid nga problema kay indi sila magsaho sang akon asawa kag pirmi sila naga-inaway. Grabe nga daan baba ang akon asawa kag nabutang gid ako sa tunga-tunga mga idol.
Naluoy man ako sa akon manghod kag indi man ako makabatas nga tabugon siya kag pahalinon diri sa amon balay.
Indi ako kabalo sang akon himuon mga idol.
Ano ang maayo ko nga himuon?
Kinahanglan ko gid ang inyo advice.
Yours Truly,
Mark
*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
