*Yours Truly iFM*
*June 04, 2020*
*With RadyoMaN DJ Kat And RadyoMaN Bruno Banana*
*(Photo from web / No Copyright Infringement)*
Dear iFM,
Maayong hapon sa inyo tanan mga bestfriends!
Ako gali si Sheryl, isa ka housewife kag may isa ka bata nga dalagita.
Ang akon bana isa ka negosyante.
Maayo ang estado sang amon pangabuhi mga bestfriends kay maayo man ang income sang akon bana sa iya negosyo. Mabakal man namon kung ano ang gusto namon baklon tungod damo naman kami savings sa bangko.
Ang indi ko lang mauyunan sa akon bana kay kung mahubog gani, gamaoy siya kag mapintas sang kamot.
Kapila niya na ako natampaan kag kaagi nga nagbanog gid ang akon guya nga tinampa niya. Pero kung maumpawan na siya gani, nagapangayo man siya sang pasaylo sa akon.
Last week, nagbaisay naman kami kag pinatup-an niya naman ako kay ginsaway ko siya nga untatan na ang inom.
Gahipos lang ako pero akuon ko nga nagalain gid ang akon buot.
Indi na ako kaaguwanta sang akon sitwasyon.
Ano ang maayo ko nga himuon?
Yours Truly,
Sheryl
* Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*
