Yours Truly iFM June 14, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Good afternoon mga bestfriends! Ako gali si Elsa kag isa ako ka public school teacher. May problema ako parte sa akon boyfriend nga tawgon ta lang kay Paolo. Kilala si Paolo nga isa ka drug addict sang una pero nag-untat siya sang nag-uso na ang tokhang sa amon lugar.
Nangaluyag siya sa akon kag nangin kami. Huo, adik si Paolo mga bestfriends pero nagbag-o na siya kag nag-untat na siya sa iya bisyo kay gusto niya nga bag-uhon ang iya kabuhi kay tungod palangga niya ako. Akuon ko mga bestfriends, palangga ko man si Paolo.
Ang daku namon nga problema subong kung paano ko ipabalo sa akon parents ang amon relasyon sang akon nobyo. Sigurado gid ako nga indi sila boto tungod sa past sang akon boyfriend. Ano ang maayo ko nga himuon?
Yours Truly, Elsa
