Yours Truly iFM
June 20, 2018
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon mga bestfriends!
Pirmi gid ako gapamati sa inyo programa kada kahapon kung break time namon trabaho.
Tawga niyo lang ako kay Melissa kag may ara ako boyfriend nga tawgon ta lang kay Carl. Nangin kami ni Carl humalin pa sang third year college pa kami.
Grabe ka possessive si Carl kag pirmi kami gaaway. Indi na gid ako kaaguwanta sang iya batasan mga bestfriends kag daw nadula na ang luyag ko sa iya.
May nakilala ako nga tawgon ta lang kay Bimbo. Upod ko siya sa trabaho. Amat-amat nga daw nahulog ang buot ko sa iya kay maayo ang iya treatment sa akon kag ka-sweet sa iya. Nangaluyag siya sa akon kag daw gusto ko na gid siya sugton.
Ginprangka ko si Carl nga mabulagay na lang kami. Pero, indi siya magsugot kag ginpahog niya pa ako nga basi mapatay niya ako kung makita niya ako sa dalan kung bulagan ko siya.
Ano ang maayo ko nga himuon mga bestfriends? Please, I need your advice.
Yours Truly,
Melissa
