Yours Truly iFM June 28, 2019 With RadyoMaN DJ Kat And RadyoMaN Bruno Banana (Photo from web / No Copyright Infringement)
Dear iFM,
Good afternoon mga bestfriends!
Ako gali si Jane kag may problema ako sa akon bana nga gusto ko gid pangayuan sang advice halin sa inyo.
Isa ka real estate agent ang akon bana mga bestfriends.
Ang natingalahan ko lang kay pirmi siya naga-out of town kag ang rason niya pirmi sa akon nga parte kuno sang iya trabaho.
May naobserbahan lang ako sa ila nga duha sang upod niya nga agi sa trabaho. Nabasahan ko ang ila chat sa FB messenger sang akon bana kag pirti sa ila ka-sweet.
Nagaduda ako nga may relasyon sila nga duha pero every time nga mamangkot ako sa akon bana, gina-deny niya. Kung kaisa gainaway na kami tungod nakulitan kuno na siya sa akon.
Daw indi ko gid mabaton nga agi ang akon karibal sa akon bana. Gaduda man ako nga basi agi ang akon bana kag indi ko gid ina mabaton nga kamatuoran.
Ano ang maayo ko nga himuon mga bestfriends?
Kinahanglan ko gid ang inyo advice.
Yours Truly,
Jane
