Yours Truly iFM
March 02, 2020
With RadyoMaN DJ Kat And RadyoMaN Bruno Banana
(Photo from web / No Copyright Infringement)
Dear iFM,
Maayong hapon sa inyo tanan mga bestfriends!
Ako gali si Marites, isa ka asawa kag may duha ka mga kabataan nga mga babaye kag puro na mga dalagita.
Bulag gali ako sa akon bana kay ginbaylo niya ako sa iya kerida. Ako lang ang gaisahanon nga nagpadaku sang amon mga kabataan.
Ang akon mga anak ang akon inspirasyon gani nagabakas gid ako para makatapos sila sang pag-eskuwela.
Pero napilitan ako magpauli halin sa Hong Kong kung sa diin ako naga-trabaho bilang isa ka domestic helper. Nabalitaan ko abi nga wala na naga-eskuwela ang akon subang nga bata tungod nagalive-in na sila sang iya boyfriend.
Nanugid ang akon youngest nga bata nga amo ina ang sitwasyon sang iya magulang. Ang masakit pa gid kay pirmi sila nagainaway nga duha.
Pirti gid kasakit sang akon nabatyagan sang nagpauli ako kag na-confirm ko nga matuod gid man ang ginasugid sang akon youngest.
Daw mabuang ako mga bestfriends kag indi ako kabalo sang himuon ko.
Kinahanglan ko gid ang inyo advice.
Yours Truly,
Marites
