Yours Truly iFM March 09, 2020

32

Yours Truly iFM
March 09, 2020
With RadyoMaN DJ Kat And RadyoMaN Bruno Banana
(Photo from web / No Copyright Infringement)

Dear iFM,


Maayong hapon mga bestfriends!

Ako gali si Divina, isa ka housewife kag nagapuyo diri sa siyudad sang Iloilo.

May problema ako nga gusto ko gid pangayuan sang advice halin sa inyo.

Nagmasakit si mama kag wala gid ako sang choice kundi mag-loan sa bangko kag ginhimo nga collateral ang amon balay kag duta. Nagalibog gid ang ulo ko subong kay ginhatagan na ako notice sang bangko nga i-turn over na nila sa ila legal department ang akon loan. Ginhatagan nila ako lima ka bulan para ma-settle ang akon loan.



Ang daku ko pa gid nga problema mga bestfriends kay wala ko ginpabalo ang akon bana nga nag-loan ako sa bangko. Seaman ang akon bana kag nakulbaan ako nga mabal-an niya ang sitwasyon kung matapos na ang iya kontrata kag makapuli na siya diri sa Iloilo.


Kadamo naman ako sang ginpalapitan para hulaman pero wala gid sang mapahulam sa akon.

Indi na ako kababalo sang himuon ko mga bestfriends. Indi ako katulog sang panumdom.

Ano ang maayo ko nga himuon?

Yours Truly,

Divina

Your’s Truly,
Divina

Facebook Comments