Yours Truly iFM
March 09, 2018
With RadyoMaN DJ Kat And RadyoMaN Bruno Banana
(Photo from Web)
Dear iFM,
Maayong hapon mga bestfriends!
Gusto ko lang i-share ang akon problema sa inyo programa.
Ang problema ko parte sa utod sang akon bana. Nanghulam siya sa akon PHp 100, 000.00 sang nagmasakit siya. Nag-promise siya nga magbayad kung mag-abot kuno ang iya loan. Pero pila na ka loan ang nabaton niya pero wala gihapon siya nagabayad.
Ginaintidi ko gid tani ang sitwasyon niya kay utod siya sang bana ko. Ugaling kinahanglan ko na gid ang kuwarta mga bestfriends. May sakit man ako nga diabetes kag kinahanglan ko na ang kuwarta para sa akon pagpa-check-up kag mga bulong.
Ang malain lang kay kung sukton siya pa ang gana mangakig. Ang gina-rason niya, diin kuno siya mamulot sang inugbayad kay kulang pa sa iya mga bulong.
Ano ang himuon ko mga bestfriends?
Yours Truly,
Cora
