Dear iFM,
Maayong hapon sa tanan nga tagpalamati sang iFM ilabi na sa inyo iDol Bruno Banana kag iDol Julee Strawvberry.
Tawga nyo ako kay Fritz 23 years old from Iloilo Province. Nautical graduate ako kag si Mama ko lang ang akon kaupod sa balay. Sa tuod lang mga iDol wala ko nakilala ang akon amay.
May ara ako bestfriend nga tawgon ta lang kay Gerald from Iloilo City. Since parehas kami nga naga-training subong masami siya nga naga-upod sa akon sa balay pero halin pa sang una nga close na sila ni Mama.
Wala gid ako maghuna-huna nga sa sobra nila ka-close may namumuong relasyon between sa ila nga duha. Nakita si Mama sang akon tiya nga ka-date si Gerald sa isa ka mall nagakaon sa fast food. Nakita pa gid sila sang pakaisa ko nga naga-angkasanay sa motor sang naglagaw sila sa Dumangas.
Pero ang mas kalain pa gid naabutan ko sila nga nagahulid sa kwarto mismo ni Mama sa balay. Nanulom ang akon panulukan kag nasumbag ko si Gerald.
Daku nga iskandalo ang natabo mga iDol. Indi ko mabal-an kun sin-o ang basulon ko sang natabo, si Mama bala ukon si Gerald.
Akig ako kay Mama kag wala ko na gintagaan pa sang chance si Gerald nga mag-explain sa sobra ko nga kaugot.
As of now gusto ko magpalayo kay Mama tungod sang hatred.
Your advice please mga iDol.
Yours Truly,
Fritz
